Җибәрелде: 16.02.09 22:38. Баш исем: Тап-табышмак

Беренче табышмак.

Атнада җиде туган -
Берсеннән-берсе уңган.
Базга төшеп, Дүшәмбе
Алып менгән бәрәңге.
Урап кайтып чишмәне,
Су китергән Сишәмбе.
Тырышкан Чәршәмбе дә:
Бәрәңгене әрчегән.
Пәнҗешәмбе табага
Аны ваклап тураган.
Чыралар телеп, Җомга
Ут кабызган утынга.
Кыздырып майда, Шимбә
Бәрәңгене пешергән.
Таба төбен кырдылар,
Мине дә чакырдылар.
Истән чыккан Якшәмбе,
Ә ул нәрсә эшләде?
Әзерләгән Якшәмбе
Табышмакның иҗ шәбен.
- Исемнәребездән, - ди, -
Уртак хәреф эзлә, - ди.
Ишеткәнемне сезгә
Түкми-чәчми җиткезәм.
Шул хәрефне табыгыз,
Миңа хатлар языгыз.
(Ринат Нуруллин)

 Җибәрелде: 16.02.09 22:49. Баш исем: Икенче тап-табышмак...

Икенче тап-табышмак.

"Буран"нан "бура" бурыйлар,
"Карама"да "кар" ята.
"Бүрек"тә "бүре" утыра,
"Ат" сүзе бар "нарат"та.
"Тубал" тулы "бал" булганда,
Кашыклап аша балны.
Бал беткәнче әйтеп бирче,
Буш кашыкта аш бармы?

 Җибәрелде: 16.02.09 22:51. Баш исем: Өченче тап-таб..

Өченче тап-табышмак.

"Теләк" сүзенә "тел" кергән,
"Кояш" сүзенә - "оя".
Нинди ай эченә, әйтче,
Тулаем бер ел сыя?

 Җибәрелде: 20.03.09 21:37. Баш исем: Апрель..

Апрель